ಪಾರ್ವತೀವಲ್ಲಭಾಷ್ಟಕಂ

॥ ಶ್ರೀ ಪಾರ್ವತೀವಲ್ಲಭಾಷ್ಟಕಂ ॥

ನಮೋ ಭೂತನಾಥಂ ನಮೋ ದೇವದೇವಂ

ನಮಃ ಕಾಲಕಾಲಂ ನಮೋ ದಿವ್ಯತೇಜಮ್ |

ನಮಃ ಕಾಮಭಸ್ಮಂ ನಮಶ್ಶಾಂತಶೀಲಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೧ ||

ಸದಾ ತೀರ್ಥಸಿದ್ಧಂ ಸದಾ ಭಕ್ತರಕ್ಷಂ

ಸದಾ ಶೈವಪೂಜ್ಯಂ ಸದಾ ಶುಭ್ರಭಸ್ಮಮ್ |

ಸದಾ ಧ್ಯಾನಯುಕ್ತಂ ಸದಾ ಜ್ಞಾನತಲ್ಪಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೨ ||

ಶ್ಮಶಾನಂ ಶಯಾನಂ ಮಹಾಸ್ಥಾನವಾಸಂ

ಶರೀರಂ ಗಜಾನಾಂ ಸದಾ ಚರ್ಮವೇಷ್ಟಮ್ |

ಪಿಶಾಚಂ ನಿಶೋಚಂ ಪಶೂನಾಂ ಪ್ರತಿಷ್ಠಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೩ ||

ಫಣೀನಾಗಕಂಠೇ ಭುಜಂಗಾದ್ಯನೇಕಂ

ಗಳೇ ರುಂಡಮಾಲಂ ಮಹಾವೀರ ಶೂರಮ್ |

ಕಟಿವ್ಯಾಘ್ರಚರ್ಮಂ ಚಿತಾಭಸ್ಮಲೇಪಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೪ ||

ಶಿರಶ್ಶುದ್ಧಗಂಗಾ ಶಿವಾ ವಾಮಭಾಗಂ

ಬೃಹದ್ದೀರ್ಘಕೇಶಂ ಸದಾ ಮಾಂ ತ್ರಿಣೇತ್ರಮ್ |

ಫಣೀನಾಗಕರ್ಣಂ ಸದಾ ಫಾಲಚಂದ್ರಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೫ ||

ಕರೇ ಶೂಲಧಾರಂ ಮಹಾಕಷ್ಟನಾಶಂ

ಸುರೇಶಂ ವರೇಶಂ ಮಹೇಶಂ ಜನೇಶಮ್ |

ಧನೇಶಾಮರೇಶಂ ಧ್ವಜೇಶಂ ಗಿರೀಶಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೬ ||

ಉದಾಸಂ ಸುದಾಸಂ ಸುಕೈಲಾಸವಾಸಂ

ಧರಾನಿರ್ಧರಂ ಸಂಸ್ಥಿತಂ ಹ್ಯಾದಿದೇವಮ್ |

ಅಜಾಹೇಮಕಲ್ಪದ್ರುಮಂ ಕಲ್ಪಸೇವ್ಯಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೭ ||

ಮುನೀನಾಂ ವರೇಣ್ಯಂ ಗುಣಂ ರೂಪವರ್ಣಂ

ದ್ವಿಜೈಸ್ಸಂಪಠಂತಂ ಶಿವಂ ವೇದಶಾಸ್ತ್ರಮ್ |

ಅಹೋ ದೀನವತ್ಸಂ ಕೃಪಾಲಂ ಶಿವಂ ಹಿ 

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೮ ||

ಸದಾ ಭಾವನಾಥಂ ಸದಾ ಸೇವ್ಯಮಾನಂ

ಸದಾ ಭಕ್ತಿದೇವಂ ಸದಾ ಪೂಜ್ಯಮಾನಮ್ |

ಮಯಾ ತೀರ್ಥವಾಸಂ ಸದಾ ಸೇವ್ಯಮೇಕಂ

ಭಜೇ ಪಾರ್ವತೀವಲ್ಲಭಂ ನೀಲಕಂಠಮ್ || ೯ ||

ಇತಿ ಶ್ರೀಮಚ್ಛಂಕರಯೋಗೀಂದ್ರ ವಿರಚಿತಂ ಪಾರ್ವತೀವಲ್ಲಭಾಷ್ಟಕಮ್ ||